一起走過｜歐錦棠當年離開TVB收4封律師信 貴人助解約：冇人試過唔還騷

歐錦棠孖老婆萬斯敏接受港台節目《一起走過》楊紹鴻、文頌嫻訪問，由當年在亞視從主持到拍劇講起，之後如何轉投TVB發展，到現在主力舞台劇及YouTube頻道工作。當中阿棠大爆當年同TVB是不歡而散，並首次公開他並冇還晒騷就離開，心中深深覺得有人在背後幫忙，就算仍有年半約也放他走。

同場加映：童時愛上你丨高海寧曾劇接劇愧感人生零進步 勇敢做自己：不再為別人而活

{{hket:ul-video id="6212"}}{{/hket:ul-video}}

{{hket:inline-image name="07181006.jpg"}}{{/hket:inline-image}}

{{hket:inline-image name="942659_536658503063990_367385033_n.jpg"}}{{/hket:inline-image}}

阿棠於2013年同廖啟智拍電影《魔警》一場戲後左眼嚴重爆血管，事後曾向TVB連續請無薪假做舞台劇，但卻被無綫高層樂易玲話他請了900幾日病假，最終他完約後離開TVB。阿棠這次在《一起走過》內重提此事，首次暢細公開如何同TVB解約，他說：「由96年開始做舞台劇，越做越喜歡，初初每年一部，加加吓試過一年做四部，投放好多心力，攞假小問題就同劇組講，試過做完舞台劇返嚟再拍劇，好多時大家就到，有啲唔係好順利，公司就叫攞假去演，講明係係無人工，佢以為無人會肯，咁我就攞三個月假去做舞台劇，係無人工。結果有次攞假去同智叔拍電影，搞到隻眼爆微絲血管，成隻眼鮮紅色。」

乜乜棠水舖｜歐錦棠重提900日無薪假因由 爆無綫搵藉口拒計騷錢【下一頁】

他受傷後同公司講情況，由於很難正常出鏡，於是叫他再攞三個月無薪假期，期間文教組找他做嘉賓講漫畫，拍了4集後收到藝員科電話話不計騷，令他感到有些不滿，「我一路記在心裏，隻眼幾個月之後就好番，我就一路攞假去做舞台劇，但佢哋又批假，已經推好多劇，其中有個劇見埋監製又話就到，藝員科又話就唔到。（公司覺得唔聽話？）絕對係，嗰次係不歡而散，佢未開鏡我就唔拍，惟有又繼續攞假，跟住佢哋出咗四封律師信，要我返去拍劇，唔係消假，而我直情唔睬佢，但我仲爭年半約，理論上要還騷畀公司，佢哋都無符，主動同我解約，唔使還騷。深深覺得有人喺後面幫我，我唔知係邊個，多謝佢，無人試過唔還騷就走，年半約等如幾多個騷？成過百個…，我斗零都無出過，係第一次詳細咁公開講，今次借大氣電波多謝呢個恩人。（被TVB列入黑名單？）之後有用嘉賓身分返過去，而家專心做我舞台劇，『劇道場』都已經做了十年。」

（↓點擊放大睇圖片↓）

提到當年在亞視由主持轉做拍劇，阿棠聲稱是自己努力爭取，曾一度被亞視「雪藏」起來，「嗰時咁啱就嚟約滿傾續約，我就話唔想再做《今日睇真D》想拍劇，但佢哋話唔好，話我唔可以拍劇，做主持咪好囉，我就話唔想做主持，真係想轉去拍劇，跟住佢哋話少好多人工，我就話唔緊要。（亞視肯放人？）咪『雪藏』我囉，放人但『雪』你，所以好感謝梁天叔提攜，佢搵返我出嚟拍劇，《我來自潮州》搵個位畀我做。（亞視也會「雪藏」藝人？）會，點唔會，當年對節目係有影響，但做咗幾年要為自己前途打算，主持同司儀又做過，都要闖吓。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】